Selamat Datang


Di piga piga luat asing daerah,asing muse do goar ni angkutan disi(motor sewa)jala memang i do haroa ciri khas na,asing ma molo di medan,na hunik sude rupana KPUM,holan nomor trayek nomor trayek na do rupani na mambedahon,olo do sipata molo molo topat moddok iba paima angkot,ala sarupa na kuning gabe di hallung iba tu Pinang Baris,hape na naeng Tu Pancing do tujuan.
Asing di medan asing muse do molo di luat na asing,tarsongon Siattar,molo lao tu jabu ni Nabboru hu sabola tana jawa,ba ni naekan ma motor sewa na margoar GOK,mnang SINAR JAYA,molo tu jabu ni Tulang tu Bahjambi ni naekan ma motor sewa na margoar “GANDA”songon i nang molo tu doppak Raya,motor sewa SINAR TANI ia so i,SEPADAN.dohot gok na asing ni i muse di tiap tiap luat.
Sidamanik, huta nami,sada kecamatan na nuaeng on masuk tu kabupaten Simalungun na ibukota Pematang Raya,hira hira jarak na satonga jom pardalan molo sian Siantar,huta na massai uli,di halioti perkebunan Teh Puna ni Pamaretta,jei molo di sidamanik on,holan dua do rupani goarni motor sewa di son,addorang so sorang dope iba,ra nungga adong motor sewa on,ima SELAMAT dohot sada nai SIMARJARUNJUNG.
Somal do di patupa ulaon si sahali sataon i molo di Parapat ima pesta Bolon,Pesta Danau Toba,tung massai ribur jala artis be tutu sai binerengan ma disi,mulai sian artis Medan artis Batak,sahat rodi artis Ibu kota,dohot pungu ma disi akka manisia sian Desa na ualu,tutu pe marroan be ma tu pesta bolon i,jala huhut marsiborong motor na be sian luat na.
Songon i nang masa niba uju i,dipatupa akka naposo saluat huta niba on do ima na laho mamereng pesta danau toba,jala di papungu ma hepeng,na laho manewa sada motor SELAMAT dalan laho tu Parapat di ujung ni minggu i,ima topat ari sabtu.
si Jorbing,sada dongan na burju jala di hatutuhon ibana do na mangula siap ari i,tutu pe,sai gabe ma akka nasinuan na,jala hu kode manang tu lapo da na pala jotjot di dalani on,dukkon di inum Tes manis na on di manogot ni ari i,ba borhat ma ibana tu Hauma na i,juji kartu kartu minum tuak dohot akka na asing tung so hea do di ulahon ibana.”tokka sisongon i,ai so marlapatan i,”idok do alus na molo sinikkun boasa dang pola ikkon dohot songon doli doli na asing i.
Jala molo kecamatan pe,da tung na sai jotjot di dalani si Jorbing on,molo topat masa onan nanggo apala si sahali sabulan i,sai di sangahon on do tu onan i,ima laho mangallang mi goreng ni parkode si Gottam,”ba nanggo nidai jo sahali sabulan mi goreng an tu onan,,”ninna roha na.
Tep mai,nian sai ni ara do akka dongan naposo di huta i,asa hissa mandohoti,ima na laho tu Parapat ima pesta Danau Toba i,saddok ni ara ma asa gok panupang nalaho mangisi motor sewa SELAMAT on,ai molo hurang panuppang na,tong do na gabe panitia mandangdangi bngku naso marisi,ah,,,hurang 2 nai asa pas borongan on lae,si jongas ma ta dok lae,atik beha olo,,”ninna sada dongan tu au tikki i,molo sahalak nai au pe mangalului,ninna muse manguduti.
Sahat ma tikki na,ari sabtu pagi hira hira pukkul sappulu,tutu pe,marpungu ma akka dongan naposo on,marsi jonok be tu akka hallet na,ai sumurung do ninna molo marhallet di tikki topat pesta danau toba di parapat,atik aha ma lapatan ni i?ba datung na binoto i..
Tutu pe,nga ro be siJorbing,mapahean na littis,bulus dalam,marsalawar lea,huhut ma dipakke tahuluk narara on.
“tuani ma,dohot do hape lae,berarti nga pas bilangan ta sa motor,”nikku tu ibana,
“dohot madah lae,asa binereng jo tutu akka na ribur2 di pesta bolon i,”alus na,
nga lima menit lewat sian jam sappulu sian parjjajian tu supir ni motor selamat on,dang ra mullop,sahat tu na sappulu menit tong dang marna ro,akka dongan pe nga songon na mulai busisaon,songon i nang sahat tu satonga jom,”bah,,nga mittop na lilu do naing,,?ninna roha ku ma sukkun sukkun,tutu pe,dang sadia leleng,pittor habegean ma tutu kalakson ni motor on sian nadao,dungi pe asa pos roha.
Borhat ma hami sarombongan sian huta i topat jam tonga sabolas,soi ma sonang na ni akka dongan naposo on,di palu ma lagu Obie mesakh songon na paribur ribur akka robbongan on,songon i nang si Jongas,soi ma las ni rohana hubereng di tikki i,huhut sai di panotnoti hu doppak luar kassa ni mabil i.
dukkon hira hira sa jom pardalanan,sahat ma hami rombongan on di Parapat,tutu pe soi ma ribur na,akka partiga tiga marodor odor di dalan na mandaptton Pagoda i,(Pagoda:tempat di langsungkan nya pusat acara dan letak stage panggung hiburan)dung sahat motor on,tuat ma akka rombongan on,marsitodo dalan na be,molo di akka dongan na marhallet tor hatop be do siding sian robbongan,adong na hu sabola topi tao,adong na pittor manotton artis na lagi marende di panggung,jala adong na pittor mangalului anak boru,
Alai molo si Jongas mula na rap dope tu akka rombongan kecil,dukkon dang piga leleng,tor toppu mago,sian rombongan,
“bah,,tu dia si Jongas anaha,,?nikku tu dogan sahalak
“eh,,tudia laho i tutu,sotung lak mago ma annon i lae,,?
“huhut berengi hamu akeh,,saddok ikkon pungu do hita addorang ro bot ni ari,,”
huhut tu panonotnoti tu sabola panggung on,huhut ma ni parrohahon akka dongan on,atik bea lilu,dang na pida deba akka dongan on na somal tu luat ni Parapat on,anggo pola mulak rombongan tu huta jala hurang bilangan na,olo ma sura sura jala mara naro tu iba sian akka natua tua na be
Mataniari nga topat di ginjang simanjujung,alai si jongas dang ra mullop tu rombongan,molo topat juppang dongan na asing sinukkunan atik beha di ida si jongas,alai dang adong nanggosada na mangidasa,songon i nang sahat tu jam tolu,dohot dongan na asing pe nungga di arahon mangalului si jongas,sian na ribur sahat tu na langa sude ni sigatan alai tong da ra mullop.
“Bah,,anggo hita na tolu pe maup ma molo dang ra juppang si jongas,nikku tu dongan na dua halak nai selaku panitia rombongan,songon i nang sahat tu jam lima,dang ra haidaan igung ni jongas on,
“eh,,tahe,on ma molo dang hea didalani sada luat,toppu dohot rombongan toppu muse mago,atik na boho boha do mana lae,,?ninna dongan na sada on,,
ah,,tusada an maho lae,dang na pala dia i,na lilu do i,tarlungopi soi ma ribur ni jolma di parapat on,,”nikku mangalusi dongan on.
sahat ma tu jam onom,tutu marpungu ma sude akka rombongan on,songon perjanjian awal asa pungu di inganan parturunan ni motor sewa SELAMAT si nakkinon i.
Gebbor ma sarobbongan,ai nungga tar sar naung maggo si jongas,di pesta bolon i,
“boha nama on,,?ninna akka dongan na asing,,udut ni i,ba sude ma akka dongan on menyebar mangalului si jongas,alai molo tung pe sodapot,molo dung jam piti mulak muse tu inganan i,anggo roha nga tung biar,boha ma dohonon annon tu natua tua na molo dang haidaan si jongas di rombongan na mulak i,,”?bah,,matte ma hita boha ma bahenon ta on lae,,?ninna dongan na asing muse.
Nungga jam pitu ari pe nga lam golap,dongan on pe nungga ro muse marpungu alai tong dang dapot si jongas on,jala motor SELAMAT on pe nga ro na laho mangalap akka robongan on,na nalaho mulak muse tu sidamanik,jala sepakat ma ikkon mulak sude,alai molo di iba selaku penanggung jawab rombongan dohot panitia,tong do rupani tetap nitiop tanggung jawab,jala sepakat ma mulak akka rombongan parjolo,alai tinggal ma hami tolu halak akka panitia di parapat.
Mulai ma di karang alus,aha nalaho alusan ni akka dongan dukkon sahat molo di sukkun natua tuana boasa dang haidaan si jongas,nitonahon ma tu akka dongan on asa di dok lagi rappak hami na opat parpudi mulak sian parapat,dukkon borhat mulak rombongan on,tinggal ma hami natolu di parapat,jala tong massai ribur,di lului hami na tolu ma si jongas sahat tu jam lima,alai tong dang marna haidaan,jala pikkiran pe nga mulai hitir hitir,”saddok ikkon dapot si jongas asa boi hita mulak,,”nikku hu dongan na dua halak on di tikki i.
Sahat tu polsek,tu ajibata,dohot pagoda nungga ni haliangi,alai dang ra juppang si jongas,dang pola sadia leleng,sahat ma pardalan nami na tolu di na mangululi si jongas on tu sabola sada Hotel hotel na massai balga jala di ginjang ni sada dolok,sian na dao nungga songon haberengan songon si jongas,tibbo,marbotohon na bolon jala birong,hundul di jonok ni gerbang masuk ni Hotel i,dung di jonoki hami,huhut songon na mamolus,atik beha dang si jongas,inna roha,hape….
toho ma tutu,nungga lemas bohi na,daring daringon disi.
“Bah,,hamu di lae,,?ninna si jongas toppu,huhut di haol hami patolu,
“boha do cerita na songon i dao lae tuson lilu,,”nikku tu sijongas on,
“ganjjang cerita na lae,,ninna ibana huhut sai mesek esek bohina dukkon jupang na hami patolu di manogot ni ari i,,
“ah,,ni rippu do naung di boan lali lae,toppu mago songon begu,,ninna dongan na sahalak nai huhut marbete bete,
“beta ma betah,,mulak ma hita,na petting nunnga dapot be lae si jongas on,,”nikku ma muse tu akka dongan on,sian i,langsung ma hami tu tu terminal laos di torusson ma muse mulak tu Sidamanik,
Alai molo dibagas roha sai tong do sukkun sukkun,ai begu aha do na manogihon si jongas on boasa gabe sahat tu tu doppak Hotek NIAGARA i,,?
tutu pe mulai ma macerita ibana….
“Dukkon siding au sian rombongan minum ma au di sada kode,sidung na minum on,sai hu ihut ihutton ma dalan i,huhut marnida akka na di gadisan disi,dukkon ni i,dng huboto be mulak tu inganan parturunan motor i,sai hu sukkuni jolma na mamolus,”dimana SELAMAT datang nikku,di alusi akka na hu sukkun i ma tu doppak Hotel i,
“Selamat datang,,?nikku muse tu si jongas penasaran
“olo lae,ido benna sahat au disi,,”
“boasa selamat datang di sukkun lae,,?nikku muse lam songon na maoto,,
“bah,,dia do lae on,,ai dang na motor SELAMAT gorni motor ta si nattuari,,”?
“jei,,aha hubungan na tu sabola Hotel i,,?
“ai na adong do disi tarsurat,i ma di haroroan i,SELAMAT DATANG,ido benna hupaima ima disi leleng,
“Saboorr,,,,,!!!!
haroa ala tar surat disi selamat datang,ima di pintu gerbang ni Hotel i,,pamoto an na rodo tu si motor selamat,mittop ma,marsiberengengan ma hami patolu dohot dongan on,dukkon ni i,rap mekkel ma hami soi gogo di bagas motor PMH namamboan hami mulak sian Parapat tu Siantar,
ai somal do rupani di sada inganan,bangunan,instansi manang na rumah sakit,dohot hotel tarsurat SELAMAT DATANG,hape sai di rippu si Jongas on ma lapatan na,mamolus/ro tusi Motor SELAMAT na di sewa nami rombongan Pesta Danau Tba i,eh tahe,,gabe dohot do hape iba maoto dibahen si Jongas on.

boti ma.

*HORAS*
Bekasi 18/08/2010,by Bresman silalahi

Tentang Bresmansilalahi

Belajar dari hal yang sangat kecil dan sederhana,untuk menemukan sesuatu yang lebih besar dan bermanfaat.
Pos ini dipublikasikan di Kisah. Tandai permalink.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s