Jora,,,!!


Adong do deba halak na mandok,sagala na mar pat na adong di luat ni Portibi on boi do mardalan manang morot,asing ni pat ni meja,ninna,,,,,,,!Alai molo na ni alami on tung mansai Geok jala olo gabe hitir hitir iba umbereng sa,   Disada luat,nian sada kabupaten dope Luat on dohot huta hatutubuan niba rupani,dison unang pola si tudu gaor molo huta,olo do iba annon gabe sisurang di bahen par huta i molo sai ni goaran huta na,addorang di hitaan dope iba maringanan.   Di sada ari,borhat ma sahalak niba rupa ni,tu luat sada huta na ni dok si nakkinan i,kebetulan nungga di daerah i adong rupa ni Lahan sattopak na dikontrak Abang apala abang pas na manodohon au rupa ni. ima tano ni par huta i,di garap ma lahan oni,mulai sian na manaraktor sahat tu na manuan,jala sai di arahon do mar piga piga halak rupa ni akka par huta i,di tikki na mammulai manggarap lahan on.   Dung sidung,,ba di suan ni ma akka na laho si suanon di lahan i,ima sayur kantang dohot sayur kol ai ninna holan di luat on do jago molo di suan akka sayur mayur,jala di suan ma atik na mar piga piga bidang rupa ni,sai ganup ari ma Abang niba on dohot akka par haroan na on,mangurusi akka si suan suanon na on,mulai sian ma nyemprot,maniram molo tikki musim logo ni ari mar piga piga ari di luat i,songon i nang rodi manduhuti,(menyiangi)songon i ma ganup ari,molo juppa ari sabtu ba sipata ma mulak abang on tu huta.   Tep ma i,,molo tikki na masa i,ba masa ni marsikkola dope iba rupa ni,jala sahali sabulan do iba mulak tu huta songon na mangalap balajjo dohot akka biaya na asing sian huta dohot sian na Tua tua niba i.Topat ma ari sabtu,topat mulak ma iba tu huta,ima na songon na mangalap balajjo si ganup bulan i,juppang ma dohot abang naba on,kebetulan ibana pe haroa nga songon na sihol roha na umbereng iba.“Molo adong tikkim topat mulak sian Medan,langsung ma ho anggia ro tu Kobun na lagi hu pukka i,asa di bereng ho,jala muse godang disi akka buah buahan na laho si allangon,dohot anak boru pe gok di si,”ninna Abang on ma di tikki i.“Olo abang,,,ro pe au sabulan nai tu inganan na di dok mi,,”nikku mangalusi jala di patorang ibana ma sian dia rute ni dalan sahat tusi,”naek motor na merek on ma ho sian siantar,dung i,dok ma turun di son,,ninna patorang kon tu au,molo dung sahat ho di si annon,,pittor sukkun ma si songon on,nungga diboto par huta i annon i,ninna abang on muse,huhut di dok goaani sada huta,nian met met do huta on,alai nga sude molo par huta na disi na umboto huta na metmet i.Dukkon ni i..sahat ma sabulan tikki na iba na markost di kota na ribur i,di nalaho mulak ma tu huta,nian nda na langsung mulak tu huta,alai jumolo do iba tu inganan ni Abang si nakkinan na ni dok i,tutu pe dung sahat ma di teminal Parlusan ba ni luluan ma goani motor songon na ni dok na nattuarisada i,dung juppang motor si nakkinan i,jalo ma ni naekan,alai jumolo ma ni sukkun kenek ni par motor i,atik beha sala,sotung laos di lajja iba lopus nang sahat tu lobbang dia,Dang pola sadia leleng,borhat ma motor on,huhut di palu palu ende di bagas motor on,asa unang songon na bosan akka panuppang i,ninna roha ni amatta supir i haroa.di pardalanan on,sai ni bolusan do rupa ni mar piga piga luat,”oh,,on do hape na nidok na huta si gottom,huta si liat nang huta si barorang,ninna roha sipata,molo topat ni jaha tar surat di luat na nilaosan ni motor i.Ditikki na di bagas motor on,sai maos ma ni gorahon kenek ni motor on,di dia par turunan niba annon,“Lae,,unang lupa ateh,,di huta aha i annon au di paturun,,”nikku tu kenek ne on“Olo Lae,,pa podom podom ma jolo lae,,ai dao nai molo huta na laho si topoton ni lae i,”ninna kenek ni motor on mangalusi,huhut sipata gora gora sian pintu i,laho mangalului sewa,jala sipata nakkok ma hu hijjang ni motor i,dung nakkok dang sadia leleng huhut ma mardabuan kulit ni jeruk sian ginjjang ni motor i,mittop,,,haroa na huhut do di altupi jeruk na dibagas karanjang puna ni panuppang sada ina na hundul di bangku doppak jolo huhut mar napuran i.    Dang sadia leleng,,sahat ma tutu au di parturunan na hu dok i,jala di paturun ma au disi,lobus ma motor on laos mago ma sian simalolong,sipata suara ni kalekson na nama habegean,dung sahat au di luat i songon i ma ngali na,tung pe ngali molo huta nami di sabola sidamanik an,alai ngali an dope rupa ni di huta na ni topot on.  Langa,,,nango apala begu aha dang mamolus,,ai holan suara ni manuk na laho mar pira do begeon hotek hotek di huta i,”bah,,lungun ni huta on ,”ninna roha kku,dang sadia leleng,mamolus ma sada ama ama laos husukkun ma,di dia huta na laho si topotan ki,laos di patorang amattaon ma tutu,”mauliate Tulang,,nikku manguduti.   Di na laho mangalulu i huta nametmet ima huta na ni dok ni abang i,hu bereng ma sada kode/Lapo lapo tes,ah,,ni pahuddul ma jolo tahe satokkin di kode an,huhut ni pa isap jolo sabatang”inna roha ku,ai molo dung sahat annon di inganan ni abang i so boi be iba rupani mar isap,ai parsikkola dope iba,olo ma di lotak iba inna rohakku muse.Hu pahuddul ma di kursi panjjang ni par kode i“Tes manis nabboru,,”nikku tu parkode i,huhut hu jalo sabukkus roti ketawa,di tikki na huddul on au,adong do sekitar walu halak disi akka ama ama,huhut mar kombur kombur,atik na manang na begu aha na ni bahas ni halaki,nda na pola ni attoan rupa ni,dung lima menit di baen ma tes manis na margalas warna orange agak kuning jala ganjjang tu jolo ku dohot roti ketawa sabukkus.“Minum Tulang,,”ninkku tu sada ama ama partopi koboi na bolak huhut ganjjang mise na,ima na topat di samping ku.“aloh,,,,baen ham ma”ninna mangalusi huhut di undduk kon.alai ditikki i,nda na hu inum dope tes manis si nakkinan i,alai roti ketawa i do jumolo hu allang,mardomu nungga male butuha ditikki i.“Laho tu dia do ham,,”ninna amatta partopi koboi on ma nukkun au“Tu jabu ni abang do tulang,di huta aha an,nikku mandok goar ni huta i“ai par dia do haroa ham,,?ninna muse manukkun“Par Sidamanik do tulang,,disi do molo huta,,nikku muse mangalusi amatta i.Tep ma i,,di tikki markombur kombur ahu dohot amatta i,,Nasopanagaman ni rohakku,,Toppu ma meret saotik Galas ni tes manis hon,hira hira satonga jokkal,di tikki i dang sadar dope iba rupa ni,dung meret ba ni geser muse,huhut mar nonang nonang dohot amatta si nakkinan i.Dukkon ni i,,meret ma muse galas tes manis hon,,anggo disi nga mualai mabiar be au,,huhut hpilos simalolong ku,atik beha na sala mamereng tu galas ni tes manis i,ai so hea dope rupani binereng meret Galas di meja,,ai so adong roda manang pat ni galas on.jala dang habis pikkir be au,,ai boha do cara na morot galas di ginjjang ni meja,,,,?aik sura ni sukkun ra ahli fisika taringot tu si,dang na laho boi alusan na,jala olo ma maoto mangalusi i,alai disi nga songon na logam logamon bohi ku,”bah,,boha nama on naing,,?ninna roha kuharoa di tikki i,,di boto amatta na samping ku si nakkinon i mabiar au,dukkon dibereng bohi ku logam logamon.Di husippon amatta si nokkinoni ma nanget tu au“Garar ma kedan tes manis mi,dukkon ni i lao ma ho sian kode on,,”“Na boha do i Tulang,,?nikku muse manukkun amatta i penasaran..“Na adong do jolma na malo malo na laho mattes ho di kode on,,”ninna amatta i muse,,“Mantes boha do Tulang,,?nikku muse,,lam penasaran,“Mattes,,atik boha adong jama jama ni daging mu,,”“Bah,,,,,,,,,Nungga mittop be on,,inna roha ku,,,,tu sada an ma par binotoan mi ninna roha ku,,huhut ma hu tadikkon hatop dukkon hu garar hon tes manis i,jala dang na pala be hu jalo ulak ni par lima ribuan sian inatta parkode i,huhut hu hojoti mardalan,hu doppak jalan raya,dang jadi be attong hu lulu i tempat ni Abang si nakkinan i,alai langsung nama au mulak tu siantar,,“Bursik,,,,,burju roha na laho minum tes manis tu kode i,hape na gabe iba do na laho di tes,,,”Dagah,,,loak na i,,sai ninna roha ku ma di pardalanan di bagas motor on,di nalaho mulak muse tu huta,alai sai manginongi ma di rohakku,,taringat galas na mardalan i,,ba,,sandok dang hapikkiran boha do cara na boi mardalan galas di meja.Sidung ma i,,dukkon mar piga piga leleng na i,pajuppa ma muse dohot abang on di huta,jala hu saritahon ma sude songon si nakkinan i“Bah,,ai memang songon i do na masa di huta i,,dang na pola na naeng mar jahat i,holan na mattes ho do i,Tuani hian ma dang ho na di pahabang,,ninna muse,,huhut mekkel.“Ah,,,husada an ma i,,ho di pahabang,,nikku muse tu ibana huhut rap mekkel hami padua,dukkon ni i,tung boha pe di dok ibana dang hea be au olo molo di togihon tu ingannan na i.“Di ho ma i abang,,,nungga jora be au tu luat mi,,”,,nikku mangalusi………“Sabbor ma i,,,
Jora,,,jora,,,!!!
*HORAS*Bekasi 09/08/2010,Bresman Silalahi

Tentang Bresmansilalahi

Belajar dari hal yang sangat kecil dan sederhana,untuk menemukan sesuatu yang lebih besar dan bermanfaat.
Pos ini dipublikasikan di Kisah. Tandai permalink.

Satu Balasan ke Jora,,,!!

  1. burian caem berkata:

    burju dope amatta i bang dang lokkot abg di bahen di parhudulan mi… kwkwkkww

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s